Description
Dak il-lejl xtaqitu u ħaditu. ċ¦aditu b’enerġija u passjoni differenti minn tas-soltu. Dak il-lejl ħasset għall-ewwel darba l-imħabba li suppost ħasset fuq l-altar hi u tgħid lis-saċerdot li riedet tieħdu bħala żewġha bil-kundizzjonijiet kollha. Bl-istramberiji tiegħu kollha. U hu dak il-lejl kien ġwejjed, jagħmel minn kollox biex iwettaq id-dmir matrimonjali mitlub minnu. L-għada waqt ix-xogħol kellu kalma kbira fuqu. Kull darba li daħal ħdejn it-tfajliet fost id-daħk u l-għexiewi tagħhom, Toni kellu tbissima differenti minn tas-soltu. It-tbissima kienet ta’ rassenjazzjoni. Tbissima ta’ paċi interna, qisu għadu kemm qam minn għarkopptejh quddiem il-konfessur li serraħlu qalbu biex jiffaċċja d-dinja ta’ madwaru. Iżda d-dinja li kien se jiffaċċja Toni ma kinitx dik tal-bnedmin. Kienet id-dinja ppopolata minn dawk it-tfajliet sbieħ ta’ madwaru fil-fabbrika. Tfajliet li kienu qed jinkoraġġuh biex iħobb lil Rosie tiegħu. Rosie li riditu jkun tagħha għal dejjem fid-dinja misterjuża u maġika tagħha.
Reviews
There are no reviews yet.