Description
Meta f’moħħ il-bniedem tidħol id‑duda tal-ħażen, din tinżel sal-qalb u therrih. Jekk ma teqridhiex mill-ewwel, din tbejjet fil‑qalb u hemm tagħmel ħafna wlied fosthom il‑kilba u l-għira, li dawn iwasslu lill‑bniedem jagħmel kollox – saħansitra joqtol.
F’dan ir-rakkont, wieħed jiżen id-differenza bejn il-malizzjuż u dak ta’ qalb tajba u nadifa. L-azzjoni tal-ħażin issibha miktuba għax dan jobżoq minn ħalqu dak kollu li hemm f’qalbu, imma t-tjubija tal-ħanin rari tkun miktuba… u biex tinduna bil-paċi ta’ qalbu trid tfittixha bejn il-linji tal-versi. Fl-umanità minn dejjem kien hemm tellieqa bejn it-tajjeb u l-ħażin u din tidher li dejjem tintrebaħ mill-ħażin. Imma meta tiżen tinduna li t-tnejn rebbieħa – il-ħażin jirbaħ is-sodisfazzjon għal ftit ħin u jerġa’ jdur għall-ħażen li hemm f’qalbu u t-tajjeb jirbaħ il-paċi miegħu nnifsu li sservih sal-aħħar nifs ta’ ħajtu. L-opri l-ħżiena jħassru d-drawwiet it-tajba… imma mhux meta t-tajjeb ikun maqful fil-qalb biċ-ċavetta tad-deheb!
Reviews
There are no reviews yet.