Description
F’dan il-ktieb nisimgħu n-narrattiva tal-mara Maltija, fl-idjoma tagħha, hekk kif tirrakkonta l-istorja tagħha, u kif din tfasslet skont ir-ritmi tal-ħajja tal-imgħoddi. Il-vuċi ta’ kull mara hija waħda unika, għas-sempliċi fatt, li hawnhekk in-narrattiva tagħha, hija riprodotta fl-idjolett u s-soċjolett tagħha – it-tessutità tal-fluss tal-irrakkuntar tagħha.
Għaldaqstant, dawn in-narrttivi jiswew mitqlu deheb, kemm kif inhuma, kif ukoll għal skop ta’ studji ta’ xeħtiet varji, fosthom dawk antropoloġiċi, lingwistiċi kif ukoll ta’ storja personali. Il-ħajja ta’ raħal, belt, pajjiż mhijiex dik li tiġi rrapurtata fuq il-midja ta’ kuljum, imma hija dik li jixxierku fiha n-nies bejniethom fil-ħajja ta’ kuljum, kif ukoll dik li sseħħ fil-qiegħ nett ta’ ruħna.
Fid-dawl ta’ dan kollu, wieħed għandu jaqra dan il-ktieb, u siltiet minnu, bl-attenzjoni li jistħoqqlu, għaliex kull kelma, kif ukoll l-istess fluss tan-narrattiva trid tgħidilna storja – l-istorja li sawritna bħala nies u bħala poplu li ngħixu minn, u ma’ xulxin.
Reviews
There are no reviews yet.