Description
Għeżież, irrid il-ksieħ, irrid ninġazza, irrid ir-riħ mit-tramuntana jiġi joħroġli d-dmugħ mill-iswed karg t’għajnejja, irrid il-borra twaqqa’ s-skiet madwari fuq dal-muntanji jimmarkaw is-sekli li għext fil-kwiet sakemm ħakimni l-baħar li mbagħad telaqni għaxi fuq art moxa. Irrid inħoss il-ksieħ, irrid ninġazza sakemm inħoss id-demm jibbies fil-vini u nibqa’ nħares fiss sa ma nsir ġebla. Sa dakinhar li jseħħ dan kollu nibqa’ bilqiegħda hawn nistenna l-ferrovija.
Din il-poeżija donnha r-rock ‘n roll ta’ darba: taqta’, eċċessiva u istintiva fl-appell tagħha. Mifsud donnu xi troubadour qalil kontemporanju, hekk kif l-immaġinazzjoni tiegħu tiġġerra mill-Mediterran sal-Ewropa. Din hija l-poeżija lirika, vulnerabbli u trasgressiva.
Maurice Riordan, Confidential
Reviews
There are no reviews yet.