Description
Minn Dinja għal Oħra u drammi oħra jiġbor damma ta’ tliet xogħlijiet oriġinali. Mario Thomas Vassallo joħloq diversi karattri, sitwazzjonijiet u ġrajjiet li diġà huma familjari u, għalhekk, il-qarrejja/l-udjenza mill-ewwel jiddentifikaw rwieħhom magħhom. Id-djalogar li jsensel Vassallo jgħin biex jiftaħ orizzonti ġodda fil-qalb u l-moħħ ta’ min isegwi; tant li dawn id-drammi jservu ta’ eżami tal-kuxjenza. Fil-karrattri tad-drammi, il-qarrejja/l-udjenza għandhom imnejn jagħrfu lilhom innifishom. Hekk ix-xogħol teatrali ma jibqax distakkat jew sempliċi spettaklu, imma jitlaħħam fil-ġewwieni ta’ min jaqrah jew isegwih. Id-drammi ta’ Vassallo jagħmlu ġieħ kemm lil-letteratura Maltija u kif ukoll lit-teatru Malti li tant għandu bżonn ta’ iżjed xogħlijiet ġodda.
“Dawn il-plejs jagħtu drama realistika vigoruża tal-ħajja kontemporanja, u huma tajbin għad diskussjonijiet fost iż-żgħażagħ. Imma huma wkoll xogħlijiet letterarji li jippruvaw jagħtu xejriet psikoloġiċi tan-natura umana. Hawn għandna drama li tipproġetta viżjoni ta’ Malta kontemporanja li donnha qed tnaqqas mill-fiduċja fiha nfisha.”
Il-Professur Charles Briffa
Reviews
There are no reviews yet.