Description
Meta matul l-aħħar sena tiegħu fis-sekondarja Isaac jgħaddi mill-martirju tal-bullying u s-solitudni, isib il-faraġ tiegħu f’Henri, f’Jesabelle u f’Rachelle. Il-ħbiberija li jibni ma’ dawn it-tlieta twasslu biex jerġa’ jibda jemmen li fil-ħajja mhux kollox kien
mitluf għalih. Is-sapport kbir li jsib f’Henri jwasslu biex jerġa’ jibda jemmen fih innifsu u fit-talenti tiegħu. Iħares ‘il quddiem li jispiċċa l-aħħar xhur tas-sekondarja biex ikun jista’ jibda ħajja ġdida. F’dan l-istess żmien, Isaac jibda jintebaħ li għandu ġibda lejn Jesabelle.
Iżda Jesabelle tixtieq li tibda relazzjoni ma’ Isaac? X’tiddeċiedi li tagħmel biex tasal għall-għanijiet ta’ moħħha? Sa fejn tkun lesta li tasal? U fuq kollox x’inhu l-għan aħħari tagħha?
Il-vjaġġ ta’ bejn il-moħħ u l-kelma mhux faċli, il-vjaġġ it-tqil ta’ bejn il-moħħ u l-qalb jaf iweġġa’, il-vjaġġ it-tqil ta’ bejn il-mibegħda u l-maħfra jaf jidher impossibbli, il-vjaġġ it-tqil ta’ bejn I-ebusija u r-rieda tajba ma jivvjaġġahx kulħadd, il-vjaġġ it-tqil ta’ bejn il-gidba u l-verità jista’ jidher bħal muntanja, il-vjaġġ it-tqil ta’ bejn l-immaginazzjoni u r-realtà jaf jilludik…
Reviews
There are no reviews yet.