Description
B’dan ir-rakkont skomdu u intens, Walid Nabhan iwessa’ l-konfini ġeografiċi u narrattivi tar-rumanz Malti. Nabil isib ruħu mħabbel f’relazzjoni maqbuda fl-għoqiedi ta’ passat li m’għandu xejn x’jaqsam mal-preżent. Irid jinqata’ mis-silenzji ta’ ġens li kien diġà falla qabel ma twieled hu, imma kull fejn imur jieħu miegħu dak id-dell tqil. Jiftakar fl-ispettaklu taċ-ċikonji ta’ tfulitu, f’kemm kienu mbegħdin minnu. U jirrealizza li ebda martirju, ebda gwerra, ebda tluq, kiefer kemm hu kiefer, ma jista’ jifdih minn dik iċ-ċomba ingastata bejn ġwenħajh. L-uniku ħelsien li nistgħu nilmħu jinsab fil-lingwa straordinarja tiegħu, fir-rakkont rikk ta’ bniedem li qed jipprova jorganizza ħajtu u jfassal destin. imma l-isfidi huma kbar, ir-riżorsi limitati. U kif tgħid Omajmah, “Lanqas it-tjur ma jridu jibqgħu fid-dinja tal-Għarab.”
ADRIAN GRIMA
WALID NABHAN (1966), imwieled Amman, il-ċ ordan, huwa rumanzier u poeta Palestinjan-Malti li llum stabbilixxa ruħu bħala wieħed mill-iktar ilħna awtentiċi u penetranti tal-letteratura Maltija l-ġdida.
Reviews
There are no reviews yet.