Description
It-tieni misteru għall-erba’ kuġini kurjużi!
Tista’ taħseb x’nervi għamlu Emma, Lisa, Thomas u James meta saru jafu li kien se jkollhom iqattgħu tlett ijiem f’kunvent tal-patrijiet. Għax f’post bħal dan mimli patrijiet xjuħ, x’kienu se joqogħdu jagħmlu? Kif kienu se jqattgħu l-ħin? U x’setgħu jsibu daqshekk interessanti?
Biss, wara l-istorja kurjuża li rrakkuntalhom il-ġardinar, malajr bdew jintebħu bil-misteri eċitanti li dan il-kunvent antik f’forma ta’ kastell, seta’ kellu moħbijin fih.
Tgħid veru li l-bjar kollha kienu jinfdu ma’ xulxin? U li bħal kull kastell antik ieħor, dan ukoll kellu l-passaġġi sigrieti tiegħu mħaffrin taħt l-art … fejn il-kalċi l-misruq seta’ tassew kien għadu qiegħed jistenna lil min isibu?
X’ma tegħlibhomx il-kurżità lill-erba’ kuġini?
Reviews
There are no reviews yet.