Description
Dan ir-rumanz ta’ Lina Brockdorff huwa punt ta’ wasla fil-mixja letterarja tagħha, il-frott ta’ proċess ta’ maturazzjoni ta’ awtriċi li mxiet it-triq kollha bi prudenza, b’reqqa għal kull pass, sakemm waslet għall-ħakma tar-rakkuntar kif jidher f’Kastell għal Clara. Għaliha r-rakkontar għandu jkun dejjem ċar, mexxej, ħieles minn kumplikazzjonijiet żejda, minn stejjer jew intervalli sekondarji li jtellfu l-iżvolġiment tan-nisġa ċentrali, jew anki jwaqqfuh għal perijodi, kemm f’xoghol twil u kemm f’xogħol iqsar. Bir-rumanzi tagħha hija qiegħda toffri kwadru ġenerali wieħed, minsuġ ftit jew wisq b’teknika waħda, imdawwal qabel xejn mill-prinċipju li l-letteratura għandha qabelxejn impenn morali.
Reviews
There are no reviews yet.