Description
Dominic u Angele kienu jgħoddu l-ġranet sakemm jaslu l-vaganzi tas-sajf ħalli jmorru joqogħdu fl-għorfa man-nannu fuq Wied il-Għasel. In-nannu kien differenti minn nanniet oħra – attiv, intelleġenti u dejjem jivvinta ħalli n-neputijiet tiegħu jieħdu gost u fl-istess ħin jitgħallmu mill-esperjenzi tagħhom. Man-nannu qatt ma kienu jiddejqu għax dejjem kellhom x’jagħmlu.
U kien hemm il-wied fejn kienu jimmaġinaw avventuri ta’ barra minn hawn. Erħilhom jilagħbu u jistaħbew qalb is-siġar, u jerġgħu lura lejn l-għorfa fejn kien ikollhom l-ikel bnin tan-nannu jistenniehom. imbagħad għawma fil-vaska u xi storja minn tiegħu qbel jorqdu, u l-ġurnata kienet tkun kompluta.
Darba minnhom, kienu qed jilagħbu u nnutaw dawl stramb u marru jinvestigawh. Ma indunawx li kien wieħed mill-Bibien sigrieti li jgħaqqdu dinjiet differenti ma’ xulxin, u li wassalhom biex jidħlu fil-Wied tad-Dinosawri.
F’din id-Dinja stramba kienu se jiltaqgħu ma’ perikli kbar u jkollhom l-akbar avventura ta’ ħajjithom. Kienu se jsiru jafu wkoll is-sigriet kbir tan-Nannu salvu li kellu jbiddel il-mod kif iħarsu lejn id-dinja ta’ madwarhom u d-dinjiet bla qies li jeżistu wara l-Bibien.
Reviews
There are no reviews yet.