Description
Fir-rassa malli l-istilel u l-kwiekeb bdew jersuq lejn il-qamar, stilla ċkejkna sabet ruħha maqlugħa ‘il barra. Filli kienet f’nofs ir-rassa u mbagħad, mingħajr ma taf kif, xi ħadd imbuttaha biex jgħaddi u f’kemm ilni ngħid spiċċat minn barra. Waqgħet għoli mhux ħażin, spiċċat f’nofs sħaba li kienet nofsha rieqda. U daqshekk. Baħħ. L-istilla ċkejkna ntilfet minn mal-oħrajn u ma setgħetx issib postha lura. Imnalla li kienet is-sħaba li waqgħet fuqha, għax li kieku kienet tispiċċa fuq l-art, min jaf fejn. U b’waqgħa bħal dik kienet żgur ssir stilla!
Il-waqgħa strudietha ftit. Biss biss ara kemm kienet niżlet mill-għoli. X’ħin stejqret u kienet ċerta li setgħet tittajjar, qamet, tfarfret mit-tajjar tas-sħab li kien qabad magħha u bdiet tara kif tagħmel biex terġa’ ttir ‘il fuq lejn fejn kienet. Ma setgħet tara lil ħadd u xejn, u ma kien hemm ħadd lil min setgħet tistaqsi. Is-sħaba kienet għera, vojta u madwarha baħħ. Baħħ ma’ kullimkien.
Reviews
There are no reviews yet.