Description
Edizzjoni kommemorattiva fl-anniversarju tat-30 sena ta’ Wied Peprina
Snin ilu, Trevor Żahra kien sejjer passiġġata qalb il-kampanja meta f’daqqa waħda sab ruħu f’Wied Peprina. Lemaħ lil Qrempuċu u lil ibnu Qrempuċellu jitħabtu biex ineħħu x-xewk li kiber quddiem biebhom. Ra lil Qanfudinu jipprova jġorr qanpiena li sab qalb il-ħaxix. Iltaqa’ mat-tliet Żrinġijiet li kienu fi triqithom lejn l-għadira. Qagħad josserva lill-Fenek l-Aħmar waqt li dan kien qed jirrakkonta storja lil ibnu Żarmuġiġa. U dawn tant kienu medhijin fuq xogħolhom, li ħadd minnhom ma ra lill-awtur iħarbex u jpinġi.
U għalkemm minn fuq dawn il-ġrajjiet issa għaddew tletin sena, Qrempuċu u Qrempuċellu għadhom jitħabtu max-xewk u Qanfudinu għadu jissara mal-qanpiena. F’Wied Peprina qatt ma jinbidel xejn u l-avventuri jibqgħu għaddejja. U l-awtur għadu mitluf josserva.
Reviews
There are no reviews yet.