Description
Kemm taf tkun kiefra l-ħajja għal min jaf iħobb bil-qalb! U wisq iktar għal min jinstab ħati għal delitt waħxi innoċentament, li għalkemm jaf fiż-żgur lill-ħati, jibqa’ jirrifjuta li jikxfu biex ma jġibx fl-inkwiet lill-għeżież tiegħu!
F’dan ir-rakkont niltaqgħu ma’ Clotilde, bint Paolo Valeri u l-Kontessa Soldani, xbejba delikata ferm u kienet tħobb lil Luciano. Luciano, għalkemm kien iħobb lil Clotilde, kien imdawwar b’ħafna misteri. Amalia, l-akbar ħabiba ta’ Clotilde tiżżewweġ lill-Baruni Andrea, iżda wara ż-żwieġ tagħha tiskopri l-passat tiegħu… U hawn niltaqgħu ma’ persunaġġ ieħor: Ġemma, li nstabet mitluqa għal mejta f’post imwarrab, mill-Baruni Vampa u sieħbu, Santi, tabib. Vampa li kellu tgħix miegħu lil Gilda, mara twajba, ta’ ġmiel kbir imma magħtuba.
Kobba mħabbla tassew ta’ nies mill-agħar li jridu jingannaw u xejn ma jiddejqu li jdaħħlu f’xibka lin-nies innoċenti u jkissru familji, basta li l-ħsieb infama tagħhom jirnexxi.
Imma possibbli li l-agħar nies jibqgħu jirrenju fuq ħaddieħor? Ħadd ma jista’ jwaqqafhom? U dejjem tiġihom tajba?
addattat minn Charles B. Spiteri
Reviews
There are no reviews yet.