Description
“Hawn min jipprova jqiegħed in-nies li jieħdu sehem fil-politika, kollha kemm huma, f’keffa waħda. Min ikun għamilha magħhom minn ġewwa, bħali, jaf kemm dan huwa ‘l bogħod mir-realtà . Sandy ma kienx iħobb jagħmel diskorsi astratti: huwa bniedem konkret. Imur għas-sod, għall-fatt. Kien jaf id-dettalji sewwa; kine jaf in-nies xi jridu x’għandhom bżonn.”
Ugo Mifsud Bonnici, President Emeritu
“Fuq medda ta’ 32 sena u aktar assoċjat mal-politika, Sandy daq u ra minn kollox. Kien żmien meta l-logħba politika kienet tintlagħab, biex ngħid hekk, “aktar bil-goff.” Din il-bijografija titkellem fuq bniedem li seta’ għażel il-ħajja komda u faċli, u l-qligħ tal-flus, imma minflok għażel li jikkontribwixxi għall-ġid ts-soċjetà u biex jgħin lill-fqir u lill-batut.”
George Vella, Ministru tal-Affarijiet Barranin
L-1955 kienet sena kruċjali għal Malta. Duminku Mintoff kien qed jipproponi l-Integration bħala soluzzjoni dejjiema għal Malta. Alexander Cachia Zammit – tabib żagħżugħ ta’ 31 sena miż-Å»ejtun – kellu sfida minn ċ orġ Borg Olivier biex jikkontesta l-elezzjoni ġenerali mal-Partit Nazzjonalista.
Id-deċiżjoni li jilqa’ l-isfida fetħet kapitlu politiku mill-iktar interessanti f’ħajjet Cachia Zammit fejn maż-żmien kien il-mutur ta’ diversi deċiżjonijiet ewlenin. Dan kollu seta’ jsir anki grazzi għad-diversi esperjenzi li huwa kien għadda minnhom f’oqsma oħrajn qabel daħal fil-politika.
Is-sens ta’ lealtà lejn il-mexxejja tiegħu u fuq kollox lejn il-pajjiż huma ċ-ċavetta biex jiftiehmu d-89 sena attivi li tanalizza din il-bijografija ta’ Alexander Cachia Zammit, it-Tabib Sandy.
Reviews
There are no reviews yet.