Description
Liliana Risiott twieldet l-Imsida fil-31 ta’ Lulju, 1959. Isimha sinonimu mal-mezzi tax-xandir minħabba l-karriera twila tagħha fil-qasam ġurnaliżmu mxandar u dak miktub u ħadmet ukoll għat-televiżjoni u l-palk. Rebbieħa tal-BPC Award to Journalists for Outstanding Broadcasting (1992). Xogħlijiet oħra tagħha jinkludu d-dramm f’att wieħed, ‘Toni Karawetta”, ir-rumanz ‘Punzjetta fi Gwarniċ’ (mhux pubblikat), ‘Meta l-Fula Tnawwar’, (1992) u għandha tliet kotba oħra gġall-pubblikazzjoni dalwaqt: ‘Il-Kewkba Dehbija u Stejjer Oġra’, “GHall-Magħmul M’hemx Kunsill’ u ‘Ċinkwina Hames Habbiet’. Tħobb dak kollu li hu Malti, partikolarment il-festi reliġjużi u tradizzjonali, l-għana Maltija I l-mizika u l-arti sagra. Omm ta’ tifla Karin.
Il-Prinċep tal-Warda Bajda hu storja fi storja. Miż-żwieg xejn f’postu bejn Joe u Mary jitwieled Matthew, il-prinċep ta’ qalb missieru. Meta f’inċident it-tifel jaqa’ f’koma, missieru jara x’jagħmel biex lit-tifel iżommu ħaj permezz tar-rakkonti minn ktieb tal-leġġendi u ħrejjef oħra, biex b’hekk jidħol f’dinja tal-ħolm li tnessih il-gwaj u t-traġedja ta’ ibnu li jkun l-unika tama biex iż-żwieġ bejnu u bejn Mary jibqa’ ħaj.
“Liliana Risiott tikteb bil-kalma daqskemm b’impenn li sikwit jitla’ ditt fil-wiċċ. Il-leħen ta’ mara jinstema’ l-ħin kollu – jingharaf fil-kontest, u jinħass fit-tonalità– u wieħed jista’ jagħraf lil dan ix-xogħol bħala rakkont miktub ‘għall-femminil’, mill-aspett tal-mara, daqskemm tal-omm. Hu rumanz li jesplora u jiċċelebra l-femminilità.”
Profs. Oliver Friggieri
Reviews
There are no reviews yet.