Description

“Pass Pass matul is-Sena” jinkludi ħsieb għal kull jum tas-sena. Huwa mfassal sewwasew bħall-ktieb l-ieħor ta’ qablu, “Mar-Radd tas-Salib“, u bħalu mhux intiż biex jinqara kollu f’salt imma biex jitnaqqar paġna kuljum. Nistħajjel li l-aħjar ħin biex wieħed jaqra l-paġna hu filgħodu, ħalli l-ħsieb iservih bħala ispirazzjoni għal matul il-jum. Il-qarrej, madanakollu, għandu jħossu liberu li juża l-ktieb kif inhu l-aħjar għalih.

Kull ħsieb hu miktub b’mod konċiż u ma jiħux iktar minn faċċata waħda. Jinqara biss f’affari ta’ tliet jew erba’ minuti, u allura wieħed faċilment isib ħin għalih minkejja l-ħajja mgħaġġla tal-lum.

Għalkemm l-għan tal-ktieb hu l-użu personali jista’ jkun wkoll li mexxejja ta’ gruppi jew klassijiet isibuh utli f’sens komunitarju.