Description
ENIGMA – ktieb uniku tax-xorta tiegħu – hu vjaġġ misterjuz fid-dinja tal-mewt, is-seħer, l-ispirti, l-erwieħ, l-iħirsa, djar imsaħħra, superstizzjonijiet, allat u xjaten fil-kultura, ir-reliġjon u l-folklor Malti u lil hinn minnu. Is-sodisfazzjon ta’ dan il-ktieb, abbundanti bi ġrajjiet u fatti strambi jinqasam ma’ nies differenti. Nies kurjuzi li semgħu ħafna stejjer iżda ma ħarġux sodisfatti u jistennew aktar, nies ftit eċċentriċi li jħobbu jistħarrġu l-makabru u l-pervers, nies suġġestivi li jibilgħu kull ma jisimgħu u ma jiqfux jistagħġbu, nies xjentifiċi li jħobbu janalizzaw u jfittxu l-provi.
Mibni minn programm tar-radju, mibdul fi ktieb, maħdum f’sensiela televiżiva, ENIGMA jagħtina panorama sħiħa ta’ l-okkult. B’ritmu mexxej u kelma ħafifa, il-qarrej jista’ jagħrbel u jiżen bejn verità u qlajja waqt li jgħaddi mill-esperjenzi strambi ta’ dawk li għexuhom qablu, imsaħħa mill-provi ta’ awturi lokali u internazzjonali u l-fehma ta’ esperti li l-integrità tagħhom ma tħallix lok għal dubju.
Imsaħħar mill-okkult minn tfulitu, Anton Grasso sejjes minn fomm l-imġarrab u l-istudju persunali tiegħu tagħrif dettaljat għal min irid jibża’ jimmaġina, jagħdab, jistkenn, jallarma, jirribella, iwissi, isejjaħ l-għajnuna, jemmen jew iwarrab il-ġrajjiet fundamentali ta’ twemminu.
Reviews
There are no reviews yet.