Description
L-opra hija waħda mill-forom l-iktar popolari tal-mużika lirika tal-Punent. F’dan il-ktieb se nsibu l-għoxrin opra li kienu u għadhom l-iktar popolari f’Malta u Għawdex minn mindu bdew jintwerew fit-teatri tagħna sal-ġurnata tal-lum (2012). Kważi kollha huma opri liriċi, sentimentali jew traġiċi, iżda mibnija lkoll fuq l-imħabba, iż-żwieġ u t-tradimenti. Hawnhekk se neħduhom waħda waħda u, skont l-ordni tal-popolarità tagħhom f’pajjiżna, nirrakkontaw l-istorja tagħhom u nagħtu xi ftit dettalji dwar l-opra u l-kompożitur. B’hekk ikollna ħjiel interessanti dwar dawn ix-xogħolijiet artistiċi li għamlu isem, anke jekk xi wħud minnhom ilhom miktubin mitejn sena u fuqhom. Iżda tajjeb li niftakru li s-sbuħija tal-opra tapprezzaha mhux billi taqra dwarha iżda billi taraha maħduma fuq il-palk u tisma’ l-mużika mill-isbaħ li takkumpanja l-istorja.
Reviews
There are no reviews yet.