Description
Id-disgħinijiet. Ħal Ħmiri – raħal mimli b’karattri ħelwin, antipatki, antikwati u simpatiċi.
Ruth, omm Ġużi, mara ta’ paċenzja limitata imma bi mħabba kbira għal familtha.
Il-Kappillan, ivvizzjat bil-kafè.
Is-Sur Portelli, l-għalliem li bla dubju, grazzi għal Ġużi, akkwista biljett one-way għall-ġenna.
Charlie l-pustier, melħa iktar minn dak li jinsab fil-Baħar il-Mejjet.
Fr Buttigieg, il-ġenju brillanti li ħadd ma jista’ jifhmu.
Manwel is-sagristan, dilettant tal-ġnien u protettur tal-brimb.
Godfrey Theuma, li ta’ kull ġimgħa b’paċenzja kbira jorganizza l-laqgħa għall-ġgajta abbatini mferfxa tal-lokal.
Il-Leslies, grupp mużikali tat-tiġijiet, impenjat biex ifaħħar ’l Alla bil-mużika u biex jgħinek toħroġ mill-kappella bl-istess sensazzjoni tar-rock show f’Woodstock.
Is-Sur Callus, li dejjem ħolom li jsir il-Francis Ford Coppola ta’ Malta.
U lil seħibna Ġużi u lil Fr Moran? Se nħallik tieħu l-ħin tiegħek biex issir tafhom waħdek… bil-kwiet. Nawguralek li meta ma ssib lil ħadd biex iżommlok kumpanija, issib lilhom.
Reviews
There are no reviews yet.